Sa de su 12 de làmpadas no est die de referendum ebbia (inoghe e inoghe sos cuesitos cun sas resones de sos de su Eja e de sos de su Nono). Cras, fintzas a sas 23 e cun sa mascaredda racumandada, est finamentas die de eletziones amministrativas e in Sardigna s’at a votare in 65 Comunes.
Tres in sa tzitade metropolitana de Casteddu: Pula, Quartùciu (Quartucciu) e Ceràxius (Selargius).
Trèighi in Provìntzia de Nùgoro: Barì (Bari Sardo), Bitzi (Bitti), Golothene (Bolotana), Gelisuli (Girasole), Lanusè (Lanusei), Lodine, Lùvula (Lula), Onieri (Oniferi), Orune, Osini, Foghesu (Perdasdefogu), Sòrgono (Sorgono), Teti.
Deghennoe in Provìntzia de Aristanis: Aidumajore (Aidomaggiore), Ardaule (Ardauli), Aristanis (Oristano), Bòatiri (Baratili San Pietro), Bauladu, Gonnacodina (Gonnoscodina), Milis, Mogoredda (Mogorella), Mragaxori (Morgongiori), Nureci, Sàgama (Sagama), Sèdilo (Sedilo), Sèneghe (Seneghe), Siamanna, Terraba (Terralba), Tinnura, Tresnuraghes, Uras, Zrofolliu (Zerfaliu).
Bìndighi in Provìntzia de Tàtari: Anela, Alzachena (Arzachena), Badesi, Bono, Caragnani (Calangianus), Èrula (Erula), Fiolinas (Florinas), Lòiri (Loiri Porto San Paolo), Otieri (Ozieri), Pàdria (Padria), Cuzina (Santa Maria Coghinas), Semèstene (Semestene), Isthintini (Stintino), Tissi, Turalva (Torralba).
Bìndighi in sa Provìntzia de su Sud: Arbus, U Pàize (Carloforte), Castiadas, Nuradha (Nurallao), Nuxis, Pramantellu (Pimentel), Portescusi (Portoscuso), Samassi, Santu Sparau (San Sperate), Santu Antiogu (Sant’Antioco), Serri, Silìcua (Siliqua), Seurgus Donigala (Siurgus Donigala), Biddaramosa (Vallermosa), Biddesorris (Villasor).
De custos 65 Comunes petzi Aristanis e Ceràxius nche bàrigant sos 15mìgia abitantes previdende su ballotàgiu s’in casu nemos intre sos candidados otenet sa majoria assoluta de sos votos in su primu turnu. In sos àteros 63 binchet deretu su chi pigat prus votos, mancari non cun majoria assoluta. Ballotàgiu petzi si b’at paridade de votos.
màuru piredda
Leave a comment