Su sòtziu de sos sardos Il Gremio de Roma organizat sa rassegna de curtzumetràgios Visioni Sarde 2020, in programma su 26 de santugaine in La Casa del Cinema in Villa Borghese. Ant a introduire sa manifestatzione su presidente Antonio Maria Masia, su cussigeri Franca Farina, funtzionària de sa Cineteca Nazionale, e Enzo Cugusi, presidente de su sòtziu de sos sardos de Torinu Antonio Gramsci.
Il Gremio sighit a agiuare su tzìnema de Sardigna. Difatis aiat patrotzinadu, cun su fundadore Pasquale Marica, sa prima pellìcula sarda a pustis de sa gherra, Altura, de su 1949, cun sa regia de Mario Sequi e sa mùsica de Ennio Porrino.
At a presentare Anthony Peth, nùmene de arte de Antonio Petretto, binchidore de duos David de Michelangelo.
A sa fine de sa projetzione at a èssere intregadu su prèmiu de su pùblicu. Sos oto filmis sunt:
Dakota Dynamite de Valerio Burli
L’abbraccio de Simone Paderi
Lasciami andare de Roberto Carta
Fogu de Alberta Raccis
Destino de Bonifacio Angius
Fragmenta de Angelica Demurtas
Gabriel de Enrico Pau
Valerio de Gianni Cesaraccio
(gm)
Leave a comment