Ant a mòvere dae cras, lunis su 27 de cabudanni in sos tzentros de Terranoa e Madalena, sa somministratzione de sas doses additzionales de su vatzinu contra a su virus corona. Sa punna est sa nche lòmpere a una risposta adeguada de sos anticorpos comintzende dae sos sugetos trapiantados o cun su sistema immunitàriu fartosu. Sena cunsiderare su vatzinu inoculadu in su tziclu primàriu, sa de tres, semper a su nessi a pustis de 28 dies dae s’ùrtima dose, at a èssere de tipu m-Rna: Comirnaty de BionTech/Pfizer pro sos pitzinnos 12-17 e Spikevax de Moderna dae sos 18 in susu. Sa de tres doses (Pfizer) finamentas in su Brotzu de Casteddu movende dae sos trapiantados de rene e dializados. In s’ìnteri, cunforma a sos ùrtimos datos, in Sardigna su 70% de sa populatzione tenet duas doses: s’88,2% de sos ultranovantennes, su 90,8% de sa fàscia 80-89 annos, su 90,4% intre sos 70 e sos 79 annos, s’86% (sa de 15 regiones in classìfica) in sa fàscia 60-69 annos, su 78,6% intre sos 50 e sos 59, su 72,1% intre sos 40 e sos 49; su 65,7% pro sa 30-39, su 69,3% intre sos 20 e sos 29 e su 57,7% de sa fàscia 12-19.
màuru piredda
Leave a comment