Su “dottor Sottile” Giuliano Amato, duas presidente de su Consìgiu de sos ministros (1992-93 e 2000-01), at naradu carchi cosa chi no est noa (ca giai fiat cosa contada dae Francesco Cossiga) ma chi non fiat in s’agenda de sa polìtica. A su Dc-9 rutu in sas abbas de Ùstica l’at fatu esplòdere unu mìssile frantzesu. Narat chi est «sa prus versione credìbile». Ca nât chi cheriant ochìere a Gheddafi chi deviat bolare in cussas àeras in intro de unu Mig lìbicu. Custu però retzeit s’iscobiada dae Craxi e imbetzes de issu morgeint 81 innotzentes. In su mentres Bobo Craxi narat chi non torrat su contu de s’avisu de su babbu a su coronellu. Sa premier Meloni, pro parte sua, at pedidu a Amato si sas suas sunt dedutziones ebbia.
redatzione
Leave a comment