Urbanìstica sarda in Bartzellona

Urbanìstica sarda in Bartzellona
Sábadu 27 de Santu Gaine, a sas 19:00, in S’Assòtziu de Sos Sardos in Catalugna, Carrer del Bisbe Laguarda 9 Barcelona, cun su Colletivu de Architetura Sardarch(Francesco Cocco, Nicolò Fenu e Matteo Lecis Cocco-Ortu) faeddamus de SPOP Campus.
Nàschidu in su 2008, su colletivu Sardarch si ponet s’obietivu de èssere unu tzentru de arresonu a subre de s’urbanìstica e de sas mudaduras sotziales de sa Sardigna. Promovet unu cunfrontu cuncretu in su tema, movende dae sos contributos de architetos, sotziòlogos, antropòlogos, istòricos e artistas: un’istantànea de sa Sardigna cuntemporànea cumintzende dae s’anàlisi de 31 comunas cun prus pagu de 1000 abitantes, a arriscu de iscumparta. S’assòtziu de sos sardos de Bartzellona, ghiadu dae Claudia Loi, giai dae paritzos annos faghet un’atividade culturale de importu mannu ponende in relata sa Sardigna e sa Catalugna a manera no iscontada.
Un’argumentu chi tzertu non pertocat petzi sa Sardigna, ma totus sas àreas a arriscu de ispopulamentu de Europa. Est previstu finas un’aperetivu a pustis de su dibatu. Pro informatziones prus mannas in su progetu, bìsita sa pàgina de su colletivu: www.sardarch.it 

 

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *