Su tataresu Vincenzo Cossu est istadu premiadu in su Premio Internazionale Dostoevskij, cuncursu literàriu organizadu dae s’editore Giuseppe Aletti.
Cossu, professore de lìteras e diretore de su coro Nova Euphonia, est lòmpidu segundu in sa setzione Faretra, pro sas òperas presentadas, e su de tres in sa setzione Aletti Editore, pro sos autores de narrativa e de poesia de sa pròpiu editoriale, cun sa regorta poètica Cine-Concerto, dedicada a s’ispetàculu multimediale de su matessi tìtulu postu in iscena cun su coro suo.
Su presidente de sa giuria fiat Raffaele Nigro. Sos àteros cumponente fiant Giuseppe Aletti, Alessandro Quasimodo, fìgiu de su prèmiu Nobel Salvatore e Cosimo Damato Damiano, poesta e regista.
Cossu at a publicare a presse su primu contu, Uguali di fronte all’inferno, in s’antologia de su Premio Dostoevskij.
(redatzione)
Leave a comment