Unu pore de paràulas in favore de s’amparu de s’ambiente, ma mancuna pro unu guvernu de su territòriu curretu e sustenibile, cunditzione netzessària pro parare fronte a sos mudamentos climàticos chi semus connoschende. S’Òrdine de sos geòlogos de sa Sardigna pesat dudas subra de sos programmas polìticos de sos partidos e de sos movimentos chi su 25 de cabudanni s’ant a presentare a sas eletziones chi non faeddant mai de preventzione.
Sa polìtica e sas amministratziones non cussiderant sos disacatos ambientales su resurtadu de su mudamentu climàticu, sighende a discuidare sa gestione e manutentzione curreta de su territòriu e una programmatzione territoriale profetosa. In sos entes pùblicos regionales sos geologos, chi pro sas amministratziones sunt una resursa manna, non bi sunt, o sunt pacos. E cussos pacos sunt andende in pensione sena previdire assuntziones noas.
S’Òrdine de sos geologos pedit a sa polìtica de s’impinnare pro previdire in sas amministratzione pùblicas custa figura professionale netzessària pro sa pianificatzione, gestione e manutentzione de su territòriu curreta e l’amparare dae su disacatu idrogeològicu.
Mariantonietta Piga
Leave a comment