Unu firma pro nche istesiare s'istatua de Carlo Felice

Unu firma pro nche istesiare s'istatua de Carlo Felice

Carlo Felice

Est naschidu pro sa Die de Sardigna de ocannu unu comitadu chi at comente punna cussa de nche tirare s’istatua de su tirannu sabàudu, incurpadu de unos cantos mortòrgios de patriotos sardos, dae su Largu Carlo Felice in Casteddu. Su comitadu est sighende a traballare pro fraigare unu sentidu a favore de s’opinione pùblica. Una prima faina est cussa de una petitzione in sa retza. Si podet firmare incarchende inoghe.  Prus a suta agatades su testu de sa petitzione matessi. Firmade.

https://www.change.org/p/sindaco-spostiamo-la-statua-di-carlo-felice-istesiemus-s-ist%C3%A0tua-de-carlo-felice?recruiter=38755440&utm_source=petition_show&utm_medium=copylink

PETITZIONE

Istesiemus s’istàtua de Carlo Felice

A su Sennor Sìndigu de sa Comuna de Casteddu

A su Cussìgiu Comunale de Casteddu

Premissa

S’istùdiu de s’istòria de Sardigna, gasi comente si cumprendet dae sos iscritos de Pedru Martini (Casteddu 1800 – 1866), chi l’ant torradu a leare in manu, pustis, àteros istudiosos […] ponet in craru “sos lìmites, sas fartas graes de Carlo Felice”, chi, pessende a issu, “Isfartamentu, prudèntzia, moderatzione non resessint, semper a cando, a abbrandare sa duresa de unu ritratu in ue Carlo Felice aparet unu tontu mandrone chi <inclinadu a sos disvagos … s’est frantu dae sos impinnos chi, faghendeˑli peleare sa mente, aerent pòdidu turbare pro unu pagu sa vida sua ispassiosa>. Testorrudu, incainadu, <unu prìntzipe fatu gasi deviat devènnere, a mala bògia, … tzeracu de sos ministros, ma galu de prus de sos cortesanos”.

Semper s’istòricu Pedru Martini documentat chi Carlo Felice, devènnidu re cun s’abdicatzione de su frade Vittorio Emanuele I, at punnadu a mantènnere e a restaurare in Sardigna s’istadu de isfrutamentu brutale e de arretratesa terrorosa “cun sas dègumas, cun sos fèudos, cun sos privilègios, cun sos tribunales clericales, cun su dispotismu de vitzerè, cun unu sistema tributàriu ingiustu, cun unu podere econòmicu ispantosu e cun totu su chi nde sighit in contu de abusos, ingiustìtzias, disegualidades e opressiones intrìnsecas a òrdines de guvernu nàschidos in s’edade mèdia”.

Su matessi giudìtziu lu dat s’istòricu sardu Remundu Carta Raspi: “A sos feudatàrios, cando est istadu vitzerè, lis at dadu ampra manu pro sangrare sos vassallos. In s’ìnteri at cunfiadu su guvernu a pessonàgios che a Giosepe Valentino: custu at cumpridu sa tarea sua cun su terrore, pesende furcas mescamente pro sos partidàrios de Giuanne Maria Angioy, a su pumtu de merèssere, dae bandas de Giuanne Siotto-Pintor, s’epìtetu de botzinu e giùighe de sos cuntzitadinos suos.”

Retratu de Carlo Felice
Retratu de Carlo Felice

Una contraditzione iscandulosa

In peruna parte de su mundu sos tiranos, cando nche los ant bogados, agatant logu in sas pratzas e in sa toponomàstica de sas tzitades. E belle gasi, in Sardigna e in Casteddu, galu oe non si cumprendet comente siat possìbile chi dèdichent a custu pessonàgiu sididu de sàmbene una de sas carreras printzipales de sas tzitade in ue, dae su 1860, dòminat un’istàtua de brunzu chi issu etotu l’at cherta, sena chi, de su restu, b’apat una didascalia o una targa informativa chi siat a tretu de fàghere connòschere s’istòria de custa pessone.

Sa rechesta-proposta

Pro sas resones craridas subra, si pedit a sa munitzipalidade di Casteddu, in sa figura de su Sìndigu e de totu su Cussìgiu comunale, de leare deretu s’impinnu:

  • de sa detzisione de cambiare su positzionamentu de s’istàtua de Carlo Felice, ponendeˑncheˑla, fintzas cun una donatzione, in unu de sos museos tzitadinos, ponende una didascalia adeguada e esaustiva chi, cun riferimentos bibliogràficos, permitat, a cada visitadore de su museu, de leare cussèntzia de s’istòria de custa pessone ;

  • de sa detzisione de cambiare su nùmene de sa carrera “Largo Carlo Felice” cun unu chi fatzat pessare, imbetzes, a unu mamentu positivu de s’istòria de s’Ìsula e de sa tzitade, comente, pro nàrrere, pròpiu sa die de sa dispatzada de sos Savojas dae sa tzitade e chi su Pòpulu Sardu, in s’ Assemblea de su Cussìgiu Regionale, at detzisu de tzelebrare comente “Sa Die de Sa Sardigna”;

  • de sustituire s’istàtua de Carlo Felice cun unu àteru monumentu chi siat a tretu de ammentare, imbetzes, carchi eroe de sa luta pro sa liberatzione de su pòpulu sardu dae sas vessatziones de sos dominadores chi in sos sèculos sunt bènnidos unu in fatu de s’àteru; podet èssere, pro nàrrere, unu monumentu a Giuanne Maria Angioy, chi at connotu su disterru in Parigi pròpiu ca est istadu vìtima de sas persecutziones de Carlo Felice;

  • de ammaniare, pro mèdiu de acordos cun sas istitutziones iscolàsticas de cada òrdine e gradu de sa tzitade, initziativas de informatzione e formatzione de sos istudentes subra de s’istòria de sa tzitade de Casteddu, pro agiuare sa connoschèntzia e sa crèschida de su sensu de identidade chi como paret dèbile, efìmeru e non cunsapèvole.

    Sa Die 2015Firmade incarchende inoghe:

https://www.change.org/p/sindaco-spostiamo-la-statua-di-carlo-felice-istesiemus-s-ist%C3%A0tua-de-carlo-felice?recruiter=38755440&utm_source=petition_show&utm_medium=copylink

Firmas

(tradutzione a incuru de Sarvadore Serra de su CSU)

Leave a comment

6 Comments

  1. Po s’amore e Deus lassamos custa Italia assassina!

  2. Via i tiranni, anche quelli del passato, dalla terra nostra!

  3. Sa Sardinia no est Italia, lu kerimus cumprender o nono. A fora sos simbulos de sos tirannos e dominadores anzenos

  4. no si potet sighire a chi custas faulas istoricas. Sa matessi sorte at a essi reservada a su carnitzeri garibalidi, manu armada de sos porcos de Savoia.

  5. Sos hanes de isterju horas dae sa Patria Sarda!

Send a Comment

S'indiritzu email tuo no at a èssere publicadu. Is campos pedidos sunt signados *