Turismu, sa crisi de Malta

Turismu in crisi finamentas in àteros logos de su Mediterràneu. In Malta, cunsiderende is primos 11 meses de su 2020 e cunfrontende is datos cun su matessi perìodu de s’annu in antis, is lòmpidas a s’ìsula sunt minimadas de su 75%: si 5 milliones o barda de presèntzias fiat sa tzifra de su 2019, sa de s’annu coladu fiat de 645.626. Custos datos ddos at comunicados s’Ufìtziu natzionale maltesu de is istatìsticas, cunfirmende s’impatu de sas medidas pro cuntènnere is cuntàgios. Agigu mègius in istiu is presèntzias e is intradas econòmicas (su setore turìsticu est su segundu prus importante de su paisu Mediterràneu): ma custos disinnos ant abertu is ghennas a su virus chi, in sa prima fase (cun sa serrada de is fronteras dae su 20 de martzu a su 15 de argiolas) fiat a su mìnimu. Petzi cunsiderende su mese de onniasantu ddoe at àpidu una minimada de su 92,2% (cun 14.936 presèntzias ebbia). (redatzione. foto ansamed)