Tubos segados

Tubos segados

Comente aìamus faeddadu in custu artìculu (incarca inoghe) unu de sos problemas de s’Ambiente in sa Sardigna intrea est sa cantidade manna de abba ispèrdida dae sas retzas de ispartzinu. Una retza de sas peus de s’Istadu: prus de su mesu falat dae sos tubos andende a sas domos de sos impitadores, a de in antis de cale si siat impreu. Isperdìtziu de unu bene pretziosu meda, chi in su benidore at a àere unu balore semper prus mannu.

In custas dies est essidu a campu unu bandu de su Ministèriu de sas infrastruturas chi ponet prus de treghentos milliones pro sanare custas pèrdidas, e pro ismanniare sa tecnologia de compidada. Su bandu est pensadu pro su Sud Itàlia, francu sa Sardigna, chi est fora dae sas zonas de interesse. Difatis petzi sa Campània, sa Pùllia, sa Calàbria, sa Basilicata e sa Sitzìlia podent pedire soddos pro fraigare una retza ìdrica prus dèghida. Pro sa Sardigna, at fatu cumprèndere su guvernu, at a bènnere su tempus: dinari bi nd’at, e tocat de tènnere passèntzia.

(redatzione)

Leave a comment

Send a Comment

S'indiritzu email tuo no at a èssere publicadu.