– de Salvatore Serra –
Polìtica linguìstica cheret nàrrere finas a traduire in sardu testos tècnicos comente sos de s’ “Agentzia de sas Intradas”, pro afortire sa capatzidade de custa limba de operare cun unu registru artu.
Oe bos presento sa tradutzione de s’ “Annuàriu de su contribuente pro s’annu 2008”, publicadu in su matessi annu dae sa “Diretzione tzentrale servìtzios a sos contribuentes” de s’”Agentzia de sas Intradas”.
S’òpera sunt resessidos a la fàghere gràtzias a su traballu de sos componentes de s’Ufìtziu linguìsticu regionale istituidu inche sa Regione Autònoma de Sardigna, denominadu “Ufìtziu de sa limba sarda”.
Est una regorta de informatziones ùtiles a su contribuente, siat pro fàghere bàlere sos deretos suos, siat pro acumprire mègius chi si podet sos doveres suos.
dae S’ISTATUTU DE SOS DERETOS DE SU CONTRIBUENTE
S’Istatutu de sos deretos de su Contribuente, introduidu dae sa Lege n. 212 de su 2000, rapresentat unu momentu de importu ca cun custu est istadu possìbile atuare in s’ordinamentu tributàriu sos printzìpios costitutzionales de s’atzione amministrativa.
In s’Istatutu de su Contribuente sunt regortas una sèrie de normas chi codìficant sos deretos de sos contribuentes pro su chi pertocat s’atividade de averiguamentu esertzitada dae sos ufìtzios finantziàrios e, in particulare, sas garantzias chi su contribuente podet fàghere bàlere in ocasione de verìficas dae parte de s’Amministratzione finantziària tzivile o de sa Guàrdia de Finàntzia …
Leave a comment