Domìniga 3 de abrile cumintzat sa de duas editziones de Disterrados, programma in sardu presentadu dae sa cantadora Maria Giovanna Cherchi, dedicadu a sas comunidades de sos emigrados.
Sa prima puntada est in Trieste, cun su presidente de su tzìrculu de sos sardos Angelo Curreli, lodeinu, su sossincu Augusto Seghene, giai vitzesìndigu de sa tzitade giuliana e Loredana Sumas, infermiera arthanesa.
Disterrados est una produtzione de sa DB Video Management pro sa Rai, cun sa regia de Mauro Fancello e sos testos de Salvatore Taras. S’apuntamentu est a sas 9,30 in Raitre.
(redatzione)
Leave a comment