Est cumintzada in Tanca Regia, in Abbasanta, s’istajone de s’ecuitatzione in Sardigna, cun s’organizatzione de Agris Sardegna e Fise (Federazione Italiana Sport Equestri) Sardegna.
Dughentos otanta cadderis cun sos caddos issoro si sunt iscritos a sa prima tapa, de chimbe, de su Trofeo dei Nuraghi-Concorso A1*, lòmpidu a sa de sete editziones. Sas tres dies est finida domìniga 11 de abrile.
In sa categoria C140 Gran Premio at bintu Andrea Guspini cun Tabor de Paule. In sa C1135 pro caddos de sete annos at bintu Enrico Carcangiu cun Virgola Monteprama, mentras in sa C135 a fases consecutivas at bintu Gianleonardo Murruzzu cun Taissa Sarda.
In sa C130 mista at bintu Elena Lorenzoni cun Revolution E.H. e in sa C130 a fases consecutivas sa vitòria est andada a Giovanni Carboni cun Ocean Girl.
Su presidente de sa Fise Stefano Meloni e su diretore de s’agentzia Agris Raffaele Cherchi ant espressadu sa soddisfatzione issoro pro sa renèssida de sa manifestatzione.
(redazione)
Leave a comment