Su 15 de santandria de ocannu passadu sa Comuna de Tèmpiu, cun un’ordinàntzia de su sìndigu, at proibidu s’usu a iscopu alimentare de s’abba de sa funtana de Fonte Nuova. In ghennàrgiu de ocannu sa matessi detzisione est istada leada pro sa funtana de Rinaggiu e in martzu finas pro sa funtana de Pastini.
Su problema fiat in totus tres casos sa presèntzia in etzessu de coliformes e escherichia coli.
S’autoridade de sa bidda gadduresa at duncas fatu innetiare sas benas e sa situatzione est torrada a sa normalidade.
S’ordinàntzia de oe 29 de martzu de su 2023, firmada dae su sìndigu Addis, torrat a permìtere s’usu de s’abba de sas tres funtanas a usu tzivile e alimentare.
(redatzione)
Leave a comment