A pustis de sos problemas de s’istiu coladu, Tirrènia como depet iscaretzire su sèberu de su tribunale de Milanu, chi at detzisu chi sa rechesta de sos cummissàrios betzos andat bene. In custa manera sa sotziedade Onorato Armatori tenet s’òbligu de chitire chentu sessanta milliones a sa gestione barigada. Sa batalla, chi aiat postu in arriscu sa cumpannia de navios, bidet dae un’ala sos Onorato, e dae s’àtera sos cummissàrios chi aiant sa punna de agatare sos fundos pro pagare sos depidores. De seguru custa sentèntzia at a abèrrere torra sa chistione de sos trasportos marìtimos pro e dae sa Sardigna, ma sigomente semus in ierru, e de turistas non bi nd’at gasi meda, pagu si nd’at a faeddare in sos mèdia. Ma forsis at a èssere mègius gasi.
Gabriele Tanda
Leave a comment