Eris ant abertu sas bustas cun sas ofertas pro cobèrrere sas rotas aèreas in continuidade territoriale. Casteddu-Milanu e Casteddu-Roma si las sunt leadas ITA, cun prètzios prus bassos de su chimbanta pro chentu de su dinari pedidu dae su bandu. Terramanna at a èssere collegada cun Roma e Milanu dae sa cumpannia noa Aeroitalia, finamentas issa cun ribassos chi bàrigant su setanta pro chentu. Custu cheret nàrrere chi sos prètzios pedidos dae sa Regione fiant prus chi giustos.
Ispantat tando chi sos bolos dae s’Alighera no ant àpidu nemmancu una rechesta. Segundu s’assessore Antonio Moro sa neghe est de ITA chi si depiat leare fintzas cussu aeroportu, ca est sa cumpannia de bandera. Issos narant chi s’iscalu de su nord-ovest de s’ìsula no agradat ca est minore e sos aèreos tenet carchi istorbu a si mòere cun àsiu.
(redatzione)
Leave a comment