S’Ente Concerti Marialisa de Carolis de Tàtari sighit sa programmatzione operìstica, sena de si firmare pro sas proibitziones de su guvernu chi at serradu sos teatros.
Suor Angelica de Giacomo Puccini at a èssere visìbile via internet chenàbura 6, sàbadu 7 e domìniga 8 de santandria.
Su diretore artìsticu de s’Ente Stefano Garau at decraradu ca sa detzisione dd’ant leada pro mantènnere s’impignu cun su pùblicu e finas pro rispetare sos cuntratos de totu sos chi traballant in su teatru.
S’istasione teatrale est cumintzada cun su cuntzertu lìricu-sinfònicu de su barìtonu Alberto Gazale in Piazza d’Italia e est sighida cun Il Tabarro de Puccini e Carmen, tragédie d’amour, ispirada a s’òpera de Bizet.
Su collegamentu est custu:
Sos ispetàculos sunt in programma su 6 e su 7 a sas 20:30 e s’8 a sas 17:00. Pro informatziones e assistèntzia si podet telefonare a su 079290881, dae su lunis a sa chenàbura dae sas 10:00 a sas 13:00.
(gm)
Leave a comment