Cras sero a sas 21, in sa corte de su Palazzo Ducale, at a èssere projetadu su documentàriu “Un ospedale in guerra” de Nico Piro, giornalista imbiadu Rai.
S’eventu nch’est in intro de sa rassigna “Visioni solidali”, manifestatzione nàschida in su 2009 e promòvida dae Associazioni al Cinema. Su fil rouge chi unit cadauna editzione est sa promotzione de sos deretos umanos, de sa giustìtzia e de s’inclusione sotziale, de sas polìticas de gènere, de sa paghe e de sa solidariedade intre sos pòpulos e sas pessones.
Sa projetzione de su documentàriu ambientadu in Kabul in su 2008 at a essere curada dae Emergency cun s’obietivu de ammentare comente sas primas vìtimas de gherra siant tziviles e chie subravivet depet trazare fertas abertas chi abarrant pro totu sa vida.
Sos voluntàrios de Emergency ant a èssere presentes cun una mesighedda informativa e de regorta fundos.
Gianfranca Orunesu