Eris in sa sea de s’ISRE in Nùgoro su presidente Stefano Lavra, su cussigeri de amministratzione Giuseppe Dessena, s’architetu Antonello Cuccu, Marco Mulas e Efisio Carbone chi contivigiant sas atividades de s’istitutu in sa tzitade barbaritzina ant presentadu su museu de sa tzeràmica sarda chi at a abèrrere giòbia chi benit cun un’inauguratzione cun su sonadore Gavino Mùrgia.
Su museu at a èssere in Casa Chironi, in sa pratza de Su Connotu a Nùgoro e at a incungiare treghentos òperas de artistas ma fintzas de s’istòria sarda reghente. Unu caminu chi tzucat dae sos traste de cada die, ma chi colat dae sos mastros mannos de s’inghitzu de su sèculu comente Francesco Ciusa, sos frades Melis, Costantino Nivola, Salvatore Fancello pro suprire finamentas a sigunda parte de su Noighentos cun Angelo Scianella, Gavino Tilocca e Emilia Palomba.
Su presidente Lavra at naradu chi custu museu est unu progetu chi at fatu in presse a crèschere e si fraigare, unu de importu mannu pro sa tzitade, chi in custa manera proa a mantènnere e ismanniare su rolu culturale chi cheret giùghere in Sardigna.
(redatzione)
Leave a comment