Est agabbadu dae pagu su cuncursu 2021 de su mele italianu, Tre gocce d’oro. Sos meles sardos ant tentu prèmios medas, ma su chi abarrat in generale est sa timoria chi unu setore de importu mannu, non petzi pro s’economia ma pro sa salude de su territòriu, potzat intrare in una crisi mala. Una crisi chi in realidade est giai tzucada dae meda, pro esempru s’annu coladu sa produtzione est menguada de s’otanta pro chentu.
Sos problemas sunt mescamente ligados a sos cambiamentos de su clima: sos eventos estremos sicant sos frores, o peus ochint sas abes. Su guvernu at isseberadu de dare dinari pro amparare su setore, ma sos problemas ant a abarrare si non si faghet nudda pro controire sos acuntessimentos prus perigulosos comente sos fogos e sas sicagnas. Però fintzas su luòngiu podet ochire mojos intreos, mescamente su chi naschet dae sas fàbricas.
Sena sas abes non naschent frùtora meda e si sas masèntzias contivigiadas dae òmine tenent dificultade a abarrare bias, bisòngiat pensare canta dificultade agatant sos mojos lìberos.
(redatzione)
Leave a comment