Su Cunsòrtziu Pecorino Romano DOP pedit in presse interventos econòmicos pro evitare unu disacatu economicu e sociale, mescamente pro una regione che a sa Sardigna, ue su cumpartu caseàriu bidet 12.000 azienas zootecnicas, 25.000 traballadores, 40 casufìtzios: unu sistema chi cust’annu at fatu 600 miliones de èuro de faturadu. Sa neghe est de s’aumentu isegheradu de su prètziu de s’energia, de su gasòliu, de sos mangimes e de su contzime.
Sos casufìtzios oe consumint energia meda ca ant protzessos totu automatizados, ma no essende reconnotos che sugetos energìvoros non leant sos contributos e sos isgràvios prevididos pro custas categorias. E non si podet pessare de fàghere pagare custos aumentos a su consumidore, ca no est èticu e ca si su prètziu in butega est tropu artu sa gente còmporat àteru. Su presidente de su Cunsòrtziu Gianni Maoddi pedit interventos deretu pro torrare su prètziu de s’energia suta controllu.
Mariantonietta Piga