Bìndighi istudentes universitàrios de su Tzentru College de Danville in Kentucky, Istados Unidos, sunt tzucados a Carbònia pro megiorare sa connoschèntzia issoro de sa limba sarda. Custa esperièntzia est istada possìbile gràtzias a su progetu de s‘isportellu linguìsticu de s’Amministratzione Comunale de Carbònia, chi oramai b’est dae unos cantos annos.
Sa cosa at cumintzadu s’istiu coladu, cando su professore Marc De Mont, chi insinnat sa limba sarda in s’Universidade de su Kentucky, at tentu sa prima acurtziada cun su progetu. De Mont at impitadu materiale didàticu de s’isportellu coordinadu dae Nicola Merche e, pro belle un’annu, dae Enricu Putzolu.
Sos bìndighi istudentes americanos ant esploradu su Sulcis, intrende in parte de su progetu de promovimentu culturale Atrium, chi Carbònia est sighende dae unos cantos annos pro pònnere in contu su patrimòniu architetònicu e turìsticu. Sos istudentes ant finas leadu parte a un’addòviu cun s’assessore de su Turismu Micheli Stivaletta.
In s’ìnteri de sa vìsita issoro, sos istudentes ant cuncambiadu paràulas in sardu cun sos de su logu e ant bidu logos sìmbulu de sa tzitade comente su Museu de su Carbone e sa Turre Tzìvica. In prus, ant tentu s’ocasione de bìdere sas domus de janas de Monte Crobu, faghende una caminada chi b’at chertu impinnu ma chi lis at donadu un’esperièntzia ùnica.
(sa redatzione)
Leave a comment