Est operativu su situ istitutzionale nou de su Cunsòrtziu Industriale de Tàtari. In custa manera e cun custa aina informàtica sas impresas de s’ala de S’Alighera, de Tàtari e de Portu Turres ant a tènnere informatziones mègius organizadas in totu sos sistemas: computer, tablet e smartphone.
Su presidente Valerio Scanu at presentadu s’initziativa isprichende ca sa piataforma noa est istada creada analizende sos cumportamentos de visualizatzione de sos utentes e chirchende de ddis ofèrrere un’agiudu modernu, finas dae su puntu de bista gràficu.
Su Cunsortziu Industriale Provintziale de Tàtari est nàschidu comente evolutzione de Zona de interessu regionale, istituida in su 1954, pro initziativa de sa Càmera de Cummèrtziu, de sa Provìntzia de Tàtari e de sas comunas de Tàtari e Portu Turres.
Sos logos interessados sunt Portu Turres, S’Alighera-San Marco e Tàtari-Truncu Reale.
(redazione)
Leave a comment