Sa de tres editziones de “Semper abertos a donare” lompet a Casteddu, in ue McDonald’s e Fundatzione pro sa Pitzinnia Ronald McDonald donant 100 pastos caentes a chida a un‘istrutura caridadosa de su territòriu chi agasàgiat pessones e famìlias cun problemas, cunventzionada cun su Bancu Alimentare de Sardigna.
Su restorante McDonald’s de Carrera de Santu Simone in Casteddu, in su tzentru cummertziale “I Fenicotteri”, est interessadu dae curtzu a su progetu.
S’iscuadra de traballu de su restorante pensat a ammaniare sos pastos, e los dat a sa Parròchia de Santa Maria de sos Ànghelos de Cuartu.
Sas donatziones in Casteddu, chi in sa provìntzia sua McDonald’s tenet 9 restorantes, faghent parte de “Semper abertos a donare”, s’atividade proposta finas ocannu dae McDonald’s cun sa Fundatzione pro sa Pitzinnia Ronald McDonald, gràtzias a s’agiudu de su Bancu Alimentare, de sa Comunidade de Sant’Egìdiu e de àteros entes caridadosos de su territòriu.
Sa cosa fiat cumintzada in su 2020, cun s’idea de dare acunortu a chie nde tenet prus bisòngiu, agiuende sas comunidades in unu mamentu de emergèntzia, comente su de sa serrada pro sa pandemia. E paret chi sigat.
(sa redatzione)
Leave a comment