Unu Decàlogu de sos “cherbeddos sardos in logu istràngiu ” comente amparu pro sos giòvanos chi istant in Sardigna. In una publicatzione plurilìngue (sardu, inglesu, italianu) bi sunt sas propostas issoro pro sa crèschida de s’ìsula.
Sa cosa l’at amaniada s’ Istitutu Fernando Santi de Sardigna, gràtzias a unu finantziamentu de sa Fundatzione de Sardigna e cun su cuntributu de sa R.A.S. Su Responsàbile culturale de su Progetu est Pepe Coròngiu.
In su Decàlogu ant collidu sas esperièntzias de unos cantos disterrados, cun s’idea de fàghere nàschere una retza intre sos giòvanos sardos de totu su mundu. Ant traballadu pro cumpartzire propostas e pro megiorare sas cunditziones reales de s’ìsula, finas cun s’avaloramentu de su voluntariadu e cun s’atzione de Su de Tres Setores.
Non podimus fàghere a mancu de pensare a cando, a primos de sos annos otanta de su sèculu coladu, un’ intelletuale istudiadu meda e polìedricu, Antoni Cossu, aiat iscritu su romanzu in limba sarda “Mannigos de memoria” in ue, pensende a sa Sardigna in pelea, daiat pròpiu a sos sardos de foras s’impreu de nde cambiare su destinu.
Gasi etotu oe si pensat, in sa realidade, de impitare “sos de foras” pro agiuare “sos de intro”.
Custos sunt sos sardos chi ant collaboradu in custa prima fase de su progetu:
Valerio Violo, Copenhaghen, Danimarca
Bobore Bussa, Malmo, Isvètzia
Silvia Tolu, Copenhaghen, Danimarca
Valentina Matta, Aarhus, Danimarca
Michela Venturi, Copenhaghen, Danimarca
Davide Deiana, Copenhaghen, Danimarca
Alessio Pani, Valencia, Ispagna
Claudio Shawawreh, Valencia, Ispagna
Eriberto Caria, Valencia, Ispagna
Pierluigi Melis, Valencia, Ispagna
Maria Grazia Zedda, Londra, Rennu Unidu
Pieranna Ziccheddu, Rennu Unidu
Rita Burrai, Rennu Unidu
Antine Milia, Rennu Unidu
Anna Maria Carta, Rennu Unidu
Valentina Serra, Valencia Ispagna.
Diat èssere cosa chi in custa istajone noa, caraterizada dae investimentos mannos a beru, derivados dae sa netzessidade de nche colare s’arressada ingendrada dae sa pandemia e dae sa gherra, su torròngiu in trànsitu esseret in carchi manera acumpangiadu e amparadu dae sas medas intelligèntzias sardas ispartas in su mundu, pessones chi si sunt afirmadas in campos diferentes assumende rolos de importu mannu a beru, e chi ant mantesu unu ligàmene forte cun sa Sardigna.
(sa redatzione)
Leave a comment