Santucristos in classe e Nostra Sennora in sa bandera Ue?

Santucristos in classe e Nostra Sennora in sa bandera Ue?

Sa Cassatzione at disinnadu chi sa rughe in classe non podet èssere obligatòria. Ma chi no est nemmancu discriminatòria, lassende a sas iscolas s’autonomia de bi pònnere a costàgiu sos sìmbulos de àteras fides. E passèntzia pro chie non nde tenet peruna, de fide. Sa sentèntzia est de gianteris. Ma sa die in antis b’at pensadu Antonio Tajani de Forza Italia a nos ammentare cantu sos sìmbulos religiosos nche siant finamentas in foras de sas iscolas. «Oe festamus sa nàschida de sa Vìrgine Maria. Ammentamus e amparamus sas raighinas cristianas nostras dae ue movet s’unione de sos pòpulos europeos. Sos 12 isteddos de sa bandera de s’Europa rapresentant sas 12 tribù de Israele chi chinghent sa conca de s’Assunta, e su asulu chi est su colore de su manteddu de Nostra Sennora». Totus cosas chi non leghimus in su situ de s’Unione europea (https://europa.eu/european-union/about-eu/symbols/flag_it): su 12 – nânt chi – est «sìmbulu de perfetzione e de interesa». Ma est Arsène Heitz etotu, su chi la disigneit, (https://www.avvenire.it/agora/pagine/bandiera-europea-significato-storia) a nàrrere chi cussa bandera est unu sìmbulu marianu. Chie tenet resone?

màuru piredda

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *