S’Alighera e Teramo ant firmadu una collaboratzione in su nùmene de Ivan Graziani, s’artista nàschidu in sa tzitade abrutzesa dae mama aligheresa.
Sos sìndigos Cacciotto, dae parte sarda, e D’Alberto, dae parte abrutzesa, ant sigladu una deliberatzione de Giunta chi previdet iscàmbios musicales e culturales, progetos iscolàsticos, turismu e promotzione territoriale.
Graziani, chi sa comuna sarda dd’at dedicadu s’anfiteatru de Maria Pia in su 2022, at semper mantènnidu un’acàpiu cun S’Alighera, comente dimustrat, intre sas àteras cosas, sa cantzone L’italianina, de s’ùrtimu discu de inèditos Per gli amici, chi est un’omàgiu musicale a sa cantzone traditzionale aligheresa La pastoreta.
(gm)
Leave a comment