Sa revolutzione sarda: craes de letura.

Sa revolutzione sarda: craes de letura.

–  de Salvatore Serra –

Si oe cherimus bogare a campu un’alternativa natzionale sarda, trasversale e populare, superende s’ideologia autonomista, si pretendimus unu deretu istòricu a sa soverania de sa natzione sarda, nos devimus apoderare de s’istòria, analizende sos elementos de continuidade de unu progetu nostru de soverania

Cumintzat gasi un’artìculu de sa revista Eja, mese de abrile de su 2010, in ue si ponet in arresonu sa letura  “giacobina”, o sceti  antifeudale, de sa revolutzione sarda, pro la cunfigurare comente indipendentista.

S’artìculu, a sa prima,  faghet referimentu  a su tentativu insurretzionale malassortadu  de Cilocco e Sanna Corda, ordimingiadu cando b’aiat pagu isperu de otènnere cosa: difatis, cun sa paghes de Luneville (1801) e de Amiens (1802) intre sa Frantza e su Rennu de Sardigna, sos frantzesos aiant pèrdidu interessu a sos afares nostros; in s’ìnteri, su prus de  sa burghesia sarda   si fiat rèndida a su blocu sotziale formadu dae sos feudatàrios locales e dae sos colonizadores piemontesos, cando chi sos “irreduìbiles” che a Angioy si nche fiant fuidos a Frantza o fiant istados vìtimas de sa repressione.

Ma in antis de custa derrota, a pàrrere de s’articulista, non si podet faeddare  de una revolutzione giacobina a sa frantzesa ma de una optzione soveranista. Issu  narat, difatis, chi “su movimentu chi fiat cumintzadu comente una rebellia populare contra a sas cunditziones sotziales patidas pro more de su sistema feudale, ghiada dae sos burghesos ‘illuminados’ dae sas ideas de s’89, fiat culminadu in su 1802 in unu progetu rivolutzionàriu indipendentista

Sa chistione  est chi, a unu tzertu puntu, sas cunditziones istòricas ant determinadu una debilesa istremenada de su movimentu patriòticu. Narat s’articulista chi “su disisperu de Sanna Corda, chi timiat de pèrdere s’ùrtima ocasione pro una Sardigna lìbera, aiat trasformadu su movimentu in elitàriu, cundennadu a pèrdere sena s’agiudu de sa Frantza e sena base populare”. E, avertit, “Sena base populare e trasversalidade, sos movimentos natzionales non binchent. Nessi oe

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *