Una nova est a rodeu in s’imprenta de logos nostros in contu de povertade in Corea. Ma custu giru faeddamus de sa de su Sud. In un’economia chi cunforma a sos indicadores nòdidos la diamus cunsiderare isvilupada (su Pil ocannu diat dèvere crèschere de su 2,2%) sa populatzione betza non tenet grandu amparu. De deghe persones mannas bator nche sunt in suta de su livellu de povertade. E prus imbetzant e prus mannu est su nùmeru de sas persones interessadas dae su fenòmenu. Sa neghe printzipale est de su sistema pensionìsticu chi no oferit garantzias mannas a su puntu chi sos coreanos preferint a tardare s’essida issoro dae su traballu. Faghende sos càmbios giustos cun s’èuro nche barigamus de pasu sos 400 su mese in mèdia.
mp
Leave a comment