Dae su 24 a su 27 de cabudanni in su tzentru polifuntzionale Il Maggiore de Verbania ddo’at àpidu sa de 14 editziones de su festival literàriu LetterAltura, dedicadu a sos montes e a sos biàgios e esploratziones.
Su tìtulu de ocannu fiat Fuoco e calore, nei viaggi e nel cuore. Intre sos libros ant presentadu finas Patagonia. Immagini e parole, s’ùrtima publicatzione de su fotògrafu Alberto Maisto, originàriu de Su Palau e residente in Tàtari.
Su volume est in tres limbas: italianu, inglesu e ispagnolu. A prus de sas fotografias ddoe sunt testos dedicados a sa regione Argentina dae iscritores e àteros personàgios famados, che a Luis Sepúlveda, Claudio Magris, Antoine de Saint-Exupéry, Marcela Serrano, Ernesto Che Guevara, Bruce Chatwin, Waler Bonatti.
Paris cun s’autore ant presentadu s’òpera Laura Pariani, chi at iscritu sa prefatzione, e Nicola Fantini.
Patagonia. Immagini e parole est publicadu dae s’editore tataresu Delfino.
(gm)
Leave a comment