“Sa metamòrfosi” de Franz Kafka traduida in sardu dae Manuela Mereu e publicada dae Condaghes in su 2013 (colletzione Àndalas).
“Ma a su primu allegare de Gregor su procuradore si nche fiat giai giradu e torchigende sas lavras lu miraiat dae sa pala chi tremiat. E cando Gregor fiat a chistionu issu no isteit firmu unu segundu e, semper sighende·lu cun sos ogros, si nch’isgheleit a segus cara a sa ghenna, ma a bellu a bellu comente chi b’esseret carchi controida arcana chi lu privaiat de nche lassare s’aposentu. Nche fiat arribadu a s’intrada de sa domo e, dae su brincu repentinu pesende·nche pro s’ùrtima borta su pee dae su pavimentu de s’aposentu bonu, pariat chi si nch’aiat brusiadu sas prantas de sos pees. Ma in s’intrada nch’illonghieit sa manu destra cara a s’iscala comente chi in cue l’esseret isetende sa gràtzia de Deus bènnida dae su chelu.”
Leave a comment