“Sa metamòrfosi” de Franz Kafka traduida in sardu dae Manuela Mereu e publicada dae Condaghes in su 2013 (colletzione Àndalas).
“Gregor si nch’ispingheit cun sa cadrea finas a sa ghenna, tando nche la lasseit, si gheteit contra a sa ghenna e isteit ritzu – s’ùrtima parte de sas farrancheddas fiat unu pagu apitzigosa – duncas si paseit unu tretu in cue. Deretu in fatu chircheit cun sa buca de fàghere girare sa crae in su serràrgiu. A dolu mannu pariat chi no aeret tentu dentes – e duncas comente podiat abrancare sa crae? – ma pro cussu già teniat sas barras tostas e agiuende·si cun custas renesseit a beru a nche girare sa crae sena pensare tropu a su dannu chi si fiat faghende. Ca li essiat dae sa buca un’ispètzia de sutzu mùrinu, falaiat a sa crae e sucutaiat a terra.”
Leave a comment