“Sa mama” de Grazia Deledda, òpera traduida in sardu dae Giovanni Muroni e publicada dae NOR (colletzione Le Grazie).
Issa fiat torrada in segus, isfiorende cun sa conca sas lòrigas pro sos caddos: si fiat torra firmada in dae in antis de sa ghenna e totu in unu, in dae in antis de cudda ghenna arta a subra de tres iscalinas de granitu, a suta de un’arcu gòticu e listada de ferru, si fiat intèndida avilida, impotente a bìnchere, prus pitica de cando a pipia istentaiat in ie cun sos àteros pitzocos de sa bidda isetende a essire su mere pro ddis ghetare carchi soddu.
Leave a comment