Dae su 16 a su 18 de santugaine Istocarda est istadu teatru de eventos dedicados a sa Sardigna, promòvidos dae Fondazione Maria Carta, sa federatzione de sos tzìrculos de sos sardos in Germània, su sòtziu Il Nuraghe de Istocarda, in collaboratzione cun su consoladu italianu e s’agiudu de sa Fondazione di Sardegna.
Fiant presentes su console Laura Lamia, su presidente de s’istitutu italianu de cultura Giovanni Grussu, su presidente de sos tzìrculos Paolo Atzori, Antonio Luigi Galistu, presidente de Il Nuraghe e Nardo Marras, presidente de sa Fondazione Maria Carta.
Sàbadu 17 in su Grosser Kursaal si sunt esibidos su grupu isvevu Danzbar e pro sa Sardigna su tenore Remunnu ‘e Locu de Bitzi, Sandra Ligas, sos Fantafolk e sos Tazenda.
(gm)
Leave a comment