Sa de ses istajones de Black Mirror dae su 15 de làmpadas

Sa de ses istajones de Black Mirror dae su 15 de làmpadas

Bonas noas pro sos amantiosos de Black Mirror, sa sèrie tv distòpica de Netflix nàschida in su Regnu Unidu. Sa de ses istajones at a essire su 15 de làmpadas e Charlie Brooker, su creadore, at annuntziadu chi at a èssere sa prus imprevedìbile.

Chimbe sos episòdios: Joan Is Awful, Loch Henry, Beyond the Sea, Mazey Day e Demon 79.

Puntadas in prus, si faghimus su cunfrontu cun s’istajone in antis chi nd’includiat petzi 3, e novidades pro su chi pertocat sos atores; in su grupu, difatis, amus a reconnòschere unas cantas caras giai bidas in pellìculas o in àteras sèries nòdidas comente Kate Mara (House of Cards), Aaron Paul (Breaking Bad), Paapa Essiedu (I May Destroy You), Salma Hayek e àteros.

«B’at elementos noos – at naradu Brooker -, unos cantos non fiant cosa de nche los pònnere intre sos paràmetros de su chi un’episòdiu de Black Mirror rapresentat. Sos contos sunt galu Black Mirror de su totu, ma cun carchi isvariada».

Gianfranca Orunesu

(Immàgine Wikipedia)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *