Cun prus de 3 annos de ritardu, oe sa Commissione Atividades Produtivas de su Consìgiu regionale at aprovadu su testu chi pertocat s’istitutzione de sas comunidades energèticas in Sardigna. Sa prima proposta de lege pro sa promotzione de s’istitutzione de sas comunidades energèticas l’ant presentada sos Progessistas su 4 de cabudanni de su 2019.
“S’aumentu isegheradu e a s’ispessada de su prètziu de s’energia at corfidu cada àmbitu de s’economia, – iscrivent sos Progressistas – oramai non si podet prus trantzire su mudamentu cara a s’ùnicu modellu energèticu possìbile pro su benidore: rinnovàbile e sustenibile. In Sardigna amus dèvidu isetare chi sa crisi energètica aeret corfidu famìlias e impresas pro apretare sa magioràntzia a detzìdere. A livellu regionale oe podiamus àere a disponimentu unu istrumentu giai prontu e in gradu de agiudare tzitadinos e impresas in custu momentu de crisi”.
Mariantonietta Piga