Una chirca durada belle un’annu pro mustrare, a chie andat a bisitare sa Domo Museu de sa beste de isposa de s’iscritora Prèmiu Nobel pro sa Literadura, torradu a cosire moende dae s’ùnica fotografia a disponimentu de sa die de sa coja, s’11 de ghennàrgiu de su 1900.
Sa beste dae oe, anniversàriu de su coja, est in mustra in s’aposentu de dormire de s’iscritora nugoresa. Una beste diferente meda dae sa bestimenta de sas fèminas sardas de su tempus suo.
Pro la cosire cantu prus uguale a s’originale, s’ISRE, chi gestit sa Domo Museu de sa Deledda, at pedidu sa consulèntzia a s’istilista Lucia Cherchi chi, sighende sa manera de sestare e cosire de cussu tempus, l’at cosidu totu a manu.
Est duncas un’àtera faina bella de s’ISRE intro totu cussas prevididas pro alabare a Gràssia Deledda in sos 150 annos dae sa nàschida.
Mariantonietta Piga