Su 10 de martzu de su 1996 su romantziu at otènnidu su status de limba ufitziale a intro de sa Cunfederatzione Elvètica. Tres annos a pustis sa Costitutzione noa dd’at dadu sa dignidade finas de limba amministrativa.
Est una limba neolatina faeddada dae unas baranta mìgia persones in su territòriu de sos Grisones, s’ùnicu trilìngue, cun italianu, tedescu e pròpiu romàntziu, de Isvìtzera.
Sa documentatzione prus antiga de custu idioma est de su de deghe sèculos. In su cursu de s’ìstòria su logu in ue est faeddadu est abbacadu meda, massimamente pro sa pressione de su tedescu.
In romàntziu si pùblicat La Quotidiana, editzione locale de su Südostschweiz. Sos faeddos chi prus dd’assimìgiant sunt su ladinu e su friulanu.
(redatzione)
Leave a comment