Retorichende: s'ipèrbole

Retorichende: s'ipèrbole

Chie no l’at impreada mai un’ipèrbole? Su bonu de sas bortas nch’essimus cun espressiones chi nche sunt in intro de s’allega ma est capatze chi no ischemus ite nùmene tenet cussa espressione. In foras de misura, ma sena alterare a beru sa realidade, s’ipèrbole est un’esageratzione chi amplificat (o chi la lìmitat, a s’imbesse) unu cuntzetu. Un’esèmpiu de ipèrbole in sa poesia sarda est custu

Male bos est resessida s’iscena
su ‘e ponner a Sassu in imbaratzos
Piras est resistende a malapena
ma est a probe a mi ruer in bratzos
Tuccone cun sa sua cantilena
istanote est perdende sos allatzos
tue Antoni Piredda su ‘e tres
che ses in custu palcu e no che ses.

Inoghe tiu Barore Sassu esagerat bonariamente contra a sos collegas suos Remundu Piras, Barore Tucone e Antoni Piredda. In sa rialia de parcu, s’ipèrbole est prus chi non netzessària finamentas pro una mègius relatzione cun su pùblicu cara a issos.

de Màuru Piredda

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *