Règulas noas pro su càmbiu de sa sim de sos telefoneddos

Règulas noas pro su càmbiu de sa sim de sos telefoneddos

Comente istabilidu dae sa delìbera de s’AGCOM – sa 86/21/CIR de trìulas 2021 – sunt in vigore sas règulas novas pro su càmbiu de sa SIM de sos telefoneddos e sa portabilidade de su nùmeru telefònicu.

Como s’operatzione l’at a pòdere fàghere petzi s’intestatàriu de s’utèntzia (no est prus permissa sa dèlega), e sa verìfica de s’identidade est dòpia: una pro mèdiu de unu documentu, e una comunichende unu còdighe retzidu via sms a su nùmeru interessadu dae su càmbiu operadore.

S’obietivu est su cuntrastu a su SIM swapping, est a nàrrere sa sostitutzione fraudolenta de sa SIM; pro mèdiu de custa tècnica malèsiga, sos malintragnados podent furare dinari dae su contu currente: a pustis de àere clonadu sa SIM de su malefadadu (e duncas s’identidade sua), intertzetant sos SMS imbiados dae sa banca cun s’OTP (One time password).

Sas règulas novas balent finamentas pro su càmbiu de s’intestatàriu de sa s’ischeda telefònica.

Gianfranca Orunesu

(foto Petr Kratochvil)

Leave a comment

Send a Comment

S'indiritzu email tuo no at a èssere publicadu.