Martis 24 de ghennàrgiu est cumintzada sa campagna de regorta sàmbene Una goccia per l’Ogliastra. S’initziativa est de su tzentru trasfusionale de sa Asl locale e tenet sa collaboratzione de sos tzentros Avis de su territòriu.
Destinatàrios sunt sos istudiantes chi ant fatu 18 annos. In dae in antis de s’I.T.I. de Tortolì s’autoemoteca at regortu 22 sacas de sàmbene.
S’Avis, pro sensibilizare a sa donatzione, ponet finas a dispositzione borsas de istùdiu pro sos istudiantes chi dant su sàmbene, bator de s’Avis regionale e oto de sa de s’Ogiastra.
Sa campagna est lòmpida a sa segunda annualidade e sas dies chi benint dae Tortolì s’autoemoteca s’at a trasferire a Lanusè.
(redatzione)
Leave a comment