Dae chenàbura 6 de santandria Pedro Alliana est su presidente de Paraguay. Fiat vitzepresidente in càrriga. A pustis de s’iscàndalu de sa Banca Ueno , chi at cajonadu sas dimissiones de su presidente Peña, at giuradu in Asunción.
Alliana tenet 52 annos e est nàschidu in Pilar. Impresàriu e ex giogadore de basket, faget parte issu puru, che a Peña, de su Partido Colorado.
Pro su fatu de sa Ueno at decraradu ca ant cumpletadu «su pagamentu de su 95% de sos risparmiadores».
Su nùmeru esatu est de 1.740.000, «echivalente a 300 milliones de dòllaros de su Fundu de Garantzia de Depòsitos».
(gianni muroni)
Leave a comment