Su 7 e s’11 de cabudanni ddoe ant a èssere is semifinales de su campionadu sardu de sa Lips, sa Lega italiana Poetry Slam. A custos duos disafios, su primu in Casteddu e su segundu in Otieri, ddoe ant a pigare parte sos 22 poetas chi si sunt cualificados in is garas de custa istajone. Galu no est definida sa data de sa gara finale, cun oto classificados dae is duas semifinales e cun sa giòvana poeta chi at bìnchidu s’ùnicu slam under 18 in su litzeu Asproni de Nùgoro. Su Poetry slam est una gara de poesia cun pagas règulas: versos chi non siant de àtere, tres minutos peròmine a disponimentu, giuria populare, boghe e carena ebbia. Su Poetry slam est unu fenòmeno internatzionale nàschidu belle baranta annos a immoe in Chicago. https://www.facebook.com/poetryslamsardegna/
In sa foto (de Rina Sanna) su campione de s’istajone colada Sandro Mattei, nugoresu
màuru piredda
Leave a comment