Dae carchi annu in sas mesas sardas in su mese de nadale b’at àpidu unu cambiamentu: meda de sos panetones non sunt prus sos terramannesos produidos dae sas indùstrias, ma sunt sardos, ammaniados in sas coghinas de pastisserias sardas e cun retzetas chi ant a intro sos mànigos de Sardigna. Su cambiamentu in Itàlia est sinnaladu dae una chirca de Nielsen in ue si bidet chi su chimbantaduos pro chentu de sos panetones bèndidos est de pastisseria.
Non b’at bisòngiu de s’ispantare si in Sardigna custa traditzione italiana si nch’est fatende logu fintzas in sa produtzione. Sa coghina est unu setore chi leat e acontza retzetas. Sos màndigos chi como intendimus nostros, fintzas a pagu no los connoschìamus (su patatu e sa tomata, pro esempru). Retzetas chi nos parent patrimòniu de sa traditzione, sunt su resurtu de annos e annos de evolutziones e de influèntzias. No est dae como chi mandigaìamus panetone, ma dae como los semus fatende nois, a sa manera nostra.
(redatzione)
Leave a comment