Paret istranu, ma su Consòrtziu de bonìfica de sa Sardigna Tzentrale in ierru prenu decrarat chi sas digas sunt belle che bòidas e non si podet prus abbare sos campos. S’atòngiu coladu at pròidu pagu e cun chidas de calore mannu, s’ierru no at fatu mègius e custu at custrintu finamentas sos massajos a impitare s’abba pro non pèrdere su traballu fatu. Tando sas baddes de su riu Posada, de su Tzedrinu e sa de mesu de su Tirsu inghitzant a sighire restritziones pro su chi pertocat s’abbadura de sos campos abertos.
Sa zona tenet deghe milliones de metros cubos partzidos in duos giassos (tres in sa diga de Macheronis e sete in cussa de Pedra ‘e Othoni) chi depent dare abba a prus de 16 mìgia ètaros de aziendas. Tropu pagu e sa resone la narat su Presidente de su Consòrtziu, Ambrogio Guiso: «sas pròidas chi garantiant s’abba a sos lagos de acòlumu sunt divènnidas un’incògnita». Bisòngiat inghitzare a programmare in manera longa e non prus annu cun annu, mescamente pro neghe de su cambiamentu climàticu
Gabriele Tanda
Leave a comment