Padre Morittu Cummendadore de sa Repùblica

Padre Morittu Cummendadore de sa Repùblica

Intre sas 36 personalidades chi ant retzidu s’onorefitzèntzia de s’Òrdine a su Mèritu de sa Repùblica Italiana, intregada dae su presidente Mattarella, ddo’est finas padre Morittu.

Su para est impignadu dae annos in su recùperu de sos drogados. In su 1980 at fundadu in Casteddu sa comunidade San Mauro e duos annos a pustis sa comunidade S’Aspru in su sartu de Sìligo. A coa est bènnida sa comunidade Città di Sassari e sa de Campu ‘e Luas, acanta de Casteddu. In s’ìnteri est nàschida sa Associazione Mondo X. De su 1998 est sa nàschida de s’ospìtziu pro malàidos de Aids San’Antonio Abate, in Tàtari.

Su neocummendadore de sa Repùblica Salvatore Morittu est bonorvesu e tenet 74 annos. Laureadu in teologia, est frantziscanu de s’Òrdine de sos Paras Minores.

(redatzione)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *