"Ottobre in poesia", su prèmiu Plics

B’at tempus finamentas a su 20 de làmpadas (inoghe su bandu) pro partetzipare a sa de batòrdighi editziones de su “Premio letterario internazionale Città di Sassari”, parte de su festival “Ottobre in poesia”. Cunforma a su bandu ammaniadu dae sos de Progetto PoP, sos autores ant a pòdere cuncùrrere in custas bator setziones (finamentas a totu cantas): “Poesia èdita”, dedicada a Angelo Mundula; “Poesia inèdita”, dedicada a Maria Carta; “Narrativa”, dedicada a Salvatore Mannuzzu; “C’era una volta e c’è ancora”, contos pro pitzinnos. In sas primas tres setziones est possìbile a imbiare materiale iscritu in italianu, sardu, inglesu, ispagnolu, catalanu e frantzesu. (màuru piredda)