Oe in Bauladu sa Costituente indipendentista

In Bauladu oe b’at àpidu un’assemblea natzionale de auto-cunvocados pro sa costituente indipendentista. In s’addòbiu – a su chi podimus lèghere dae su comunicadu emìtidu oe etotu – b’aiat gente chi movet dae esperièntzias e traietòrias diferentes chi però a su presente cumpartzint sas prospetivas. «Amus disinnadu de nos torrare a agatare, de nche barigare sas divisiones e sa balcanizatzione de s’indipendentismu, de aunire sas esperièntzias nostras, sas istòrias nostras, sas cumpetèntzias nostras». In su situ www.costituente.org b’at unu mòdulu de cuntatu pro sos chi cherent manifestare sa voluntade de pigare parte a custa fase.