Nùgoro, su litzeu Asproni cun sas giòvanas de Iran

Nùgoro, su litzeu Asproni cun sas giòvanas de Iran

Nùgoro pro sas fèminas iranianas. Eris, a banda de mangianu, istudiantes e dotzentes de su Litzeu Asproni ant manifestadu solidarizende cun sas giòvanas chi sunt disafiende su regime de Teheran. S’atopu de sos pitzocos e de sos professores issoro, totu cantos bestidos a nieddu, l’ant fatu a pustis de unas cantas atividades laboratoriales (ghiadas dae sas dotzentes Giovanna Salis, Elisa Branca e Maria Grazia Picconi) chi moviant dae s’atualidade e dae sas acontèssidas de cussos logos, cun sa repressione de sa teocratzia contra a sas fèminas. Una pitzoca, Ottavia Salvietti, cun su bestire de su connotu, at lèghidu unos cantos passàgios unu testu de sa Nobel Shirin Ebadi boghende·si·nde, a letura acumprida, su mucadore dae conca. Fatu fatu, totu cantos sos presentes s’ant segadu unu cantzu de pilos comente in cada protesta che a custa peri su mundu a pustis de sa morte de unas cantas pitzocas pro manu de sa politzia morale. Collidos in una còrbula nche los ant a imbiare a s’ambasciada iraniana in Roma.

redatzione

Leave a comment

1 Comment

  1. Bene meda! Ma b’at meda prus de nondhe allegrare e manifestare solidariedade. Fintzas in logos de “demogratzia” e, fossis, prus pagu barbaridade.

Send a Comment

S'indiritzu email tuo no at a èssere publicadu. Is campos pedidos sunt signados *