S’8 de cabudanni Istentinas at afestadu a Nostra Segnora de sa Difesa. A pustis chi sos cunfrades ant postu una corona de frores a sos mortos in gherra, dae sa crèsia parrochiale est partida sa professone a terra e a coa, in su portu Mannu, cudda in mare, cun sa partetzipatzione de prus de 60 barcas.
A coa ddo’at àpidu ateruna professone a terra finas a crèsia, cun sa tzelebratzione de su bespru cun pàrrocu e àteros satzerdotos.
Sa missa de su mangianu l’at narada preìderu Salvatore Mangatia paris cun su pàrrocu preìderu Daniele Contieri.
A fine sero su priore de sa Cunfradia Pietro Denegri cun sa priorissa Milena Bonomo ant cumbidadu a sa gente sos bistocos istentinesos paris cun binu biancu.
Pro sa parte profana de sa festa ant isparadu coetes e a pustis ddo’at àpidu su cuntzertu, in pratza di 45, de Filippo Graziani.
(gm)
Leave a comment